Жаңалықтар

Ерекше жолаушылар үшін пойыздарға арнайы вагондар қосылады

21.04.2026

мин

0

141

Сурет: ҚТЖ

Теміржолда ерекше қажеттілігі бар жолаушыларға арналған вагондар пайда болады, — деп хабарлайды Dauletten.kz.

Бұл туралы Үкімет отырысында Көлік министрі Нұрлан Сауранбаев мәлімдеді. Оның айтуынша, қазіргі уақытта теміржол құрамдарының шамамен 90 пайызы көтергіш құрылғылармен және арнайы жабдықталған купелермен қамтылған.

Алдағы жылдары бұл бағыттағы жұмыстар жалғасып, 2030 жылға қарай әрбір пойыз құрамында кемінде бір арнайы вагон болуы көзделіп отыр. Бұл ерекше қажеттілігі бар жолаушылардың сапарын барынша ыңғайлы әрі қауіпсіз етуге мүмкіндік береді.

Сонымен қатар, вокзал инфрақұрылымын жаңғырту жұмыстары да қатар жүргізілуде. Бағдарлама аясында пандустар, лифтілер, көтергіш құрылғылар орнатылып, кассалық аймақтар мен санитарлық бөлмелер заманауи талаптарға сай қайта жабдықталады.