|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Соңғы аптада бұқаралық ақпарат құралдары мен әлеуметтік желілерде Eurasian Resources Group (ERG) компаниясын сату жөнінде түрлі қауесет тараған болатын. Әсіресе, режиссер Джеймс Кэмеронның аталған компанияны сатып алуға қызығушылық білдіргені жөніндегі ақпарат қызу талқыланды, - деп хабарлайды Dauletten.kz.
ERG директорлар кеңесінің төрағасы және бас атқарушы директоры Шухрат Ибрагимов бұл мәліметтерге нүкте қойып, компанияны сату бойынша ешқандай келіссөздер жүргізілмегенін ресми түрде мәлімдеді.
- 2024 жылдың соңында ERG директорлар кеңесі компанияны өркендетуге бағытталған жаңа стратегияны бекітті. Қазіргі таңда осы стратегиялық мақсаттарды іске асыру жұмыстары жүргізілуде. Компанияның басты басымдығы – тұрақты даму, ұзақ мерзімді өсу және барлық мүдделі тараптар үшін құндылық қалыптастыру, – делінген компанияның ресми хабарламасында.
Мәлімдемеде айтылғандай, ERG-дің күнделікті жұмысында еш өзгеріс жоқ. Компания бұрынғыдай қызметін жалғастырып, даму мен инвестиция тарту бағытына ерекше мән беруді жалғастырмақ.
ERG туралы қысқаша мәлімет
Eurasian Resources Group (ERG) – табиғи ресурстарды өндіру және қайта өңдеу саласындағы әлемдік жетекші компаниялардың бірі. ERG әлемнің 20 елінде жұмыс істейді және Қазақстанда тау-кен металлургия саласының үштен бір бөлігін қамтиды. Негізгі активтері ферроқорытпа, темір кені, алюминий, көмір және энергетика салаларында шоғырланған. Сонымен қатар, компания Африкада мыс пен кобальт өндіреді, ал Бразилияда темір кенін игеру жобасын іске асыруда.
Компания құрылтайшылары туралы
