|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Л.Н.Гумилев атындағы Еуразия ұлттық университетінде 354 орынға арналған жаңа студенттік жатақхана 2025–2026 оқу жылы қарсаңында ашылады, - деп хабарлайды Dauletten.kz.
Пушкин көшесі, 13А мекенжайында орналасқан жатақхана жаңа оқу жылында алғашқы студенттерді қабылдайды.
Жатақхана құрылысы "Bastau Partners.kz" ЖШС жеке инвесторының қатысуымен мемлекеттік-жекеменшік әріптестік аясында жүзеге асырылды. Жалпы ауданы 4 421 шаршы метр болатын бес қабатты ғимаратта үш адамдық 118 бөлме бар. Барлық бөлмелер жиһазбен, тұрмыстық техникамен және интернетпен жабдықталған, бейнебақылау орнатылған. Сондай-ақ коворкинг-аймақтар, оқу залы, кір жуатын орындар мен ас үйлер қарастырылған.
Жаңа нысанды ҚР Ғылым және жоғары білім министрі Саясат Нұрбек, Астана әкімі Жеңіс Қасымбек, ЕҰУ ректоры Ерлан Сыдықов және "Қаржы орталығы" АҚ өкілдері аралап көрді. Ректордың айтуынша, бұл жоба студенттерді қолжетімді әрі жайлы тұрғын үймен қамтамасыз ету бойынша ауқымды бағдарламаның бір бөлігі.
Жаңа жатақханаға қоныстануға өтініш қабылдау Platonus электронды жүйесі арқылы жүргізілуде. Биыл университет жатақханаларындағы жалпы орын саны 8 500-ге жетіп, студенттердің тұрғын үйге деген сұранысы толық қамтамасыз етілді.
