|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандық фермерлер бүгінгі күнге дейін тыңайтқыштарды субсидиялауға 13 251 өтінім берді. Өңірлердің Ауыл шаруашылығы басқармаларында 9027 өтінім бар, 2040 өтініш қабылданбады, ал 7,5 млрд теңге сомасына 2184 өтінім мақұлданды және тиісті сома төленді, деп хабарлайды Dauletten.kz Ауыл шаруашылығы министрлігінің баспасөз қызметіне сілтеме жасап.
Айта кетейік, бұған дейін gosagro.kz порталында өтінімдердің үштен бірі қабылданбады. Мемлекеттік қолдаудан бас тартудың негізгі себебі бекітілген субсидиялау қағидаларына сәйкес 2023 жылғы 1 қаңтарда күшіне енген агрохимиялық картограммалардың болмауы, сондай-ақ алқаптарды цифрландырудағы қиындықтар болды. Солтүстік аймақтармен салыстырғанда оңтүстікте шағын егістіктері бар фермерлер басым.
Бұл мәселені шешу үшін Ауыл шаруашылығы министрлігі 2023 жылғы 25 сәуірде жоғарыда аталған Қағидаларға агрохимиялық картограммаларды пайдалану жөніндегі талапты алып тастау бойынша түзетулерді бекітті, сондай-ақ 2023 жылғы 31 желтоқсанға дейін «Қазақстан Ғарыш Сапары «ҰК» АҚ арқылы егістіктерді цифрландыруды кейінге қалдыруды енгізілді.
фото: time.kz
