|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
АҚШ билігінің мәлімдеуінше, Иранға қарсы жүргізіліп жатқан әскери операция аяқталған соң жанармай құны төмендеуі мүмкін, - деп хабарлайды Dauletten.kz.
Бұл туралы Ақ үйдің баспасөз хатшысы хабарлады. Оның айтуынша, соңғы күндері мұнай мен газ бағасының өсуі уақытша жағдай ғана. Ұзақ мерзімді перспективада қазіргі ахуал АҚШ-та жанармай бағасының арзандауына әсер етуі ықтимал.
Соған қарамастан, қазіргі таңда әлемдік нарықта мұнай құны айтарлықтай өсіп отыр. Екі күн бұрын бір баррель мұнай бағасы 119 доллардан асып, 2022 жылдың маусымынан бергі ең жоғары көрсеткішке жетті.
Сарапшылардың пікірінше, бағаның қымбаттауына мұнай өндіруші мемлекеттердің өндірісті қысқартуы және Таяу Шығыстағы геосаяси жағдайдың ушығуы себеп болып отыр. Ақ үйдің мәліметіне сәйкес, АҚШ билігі нарықтағы ахуалды мұқият бақылауда ұстап отыр. Сонымен қатар, АҚШ Қорғаныс министрлігі теңіз арқылы мұнай тасымалы қалпына келмеген жағдайда Иранға қарсы соққылар күшеюі мүмкін екенін ескертті.
