Жаңалықтар

Kaspi Gold картасымен Google Pay арқылы төлем жасауға болады

30.06.2026

мин

0

65

Сурет: Alash.kz

Kaspi.kz Android құрылғыларын пайдаланатын клиенттер үшін жаңа мүмкіндікті іске қосты. Енді Kaspi Gold картасын Google Pay немесе Google Wallet қызметіне қосып, Қазақстанда да, шетелде де NFC арқылы байланыссыз төлем жасауға болады, — деп хабарлайды Dauletten.kz.

Kaspi.kz Android операциялық жүйесін пайдаланатын клиенттерге арналған жаңа төлем мүмкіндігін іске қосты. Енді Kaspi Gold картасын Google Pay немесе Google Wallet сервисіне қосып, смартфон, смарт-сағат және NFC технологиясын қолдайтын өзге де құрылғылар арқылы төлем жасауға мүмкіндік бар.

Жаңа қызмет дүкендерде, мобильді қосымшаларда және интернет-дүкендерде төлем жасауға қолжетімді. Сонымен қатар бұл мүмкіндік Қазақстан аумағында ғана емес, шетелде де жұмыс істейді.

Kaspi.kz-тің басшысы әрі негізін қалаушылардың бірі Михаил Ломтадзенің айтуынша, компания клиенттерге төлем жасаудың бірнеше ыңғайлы тәсілін ұсынуды жалғастырып келеді.

Оның сөзінше, Kaspi QR барлық смартфон иелеріне қолжетімді болса, Kaspi Alaqan телефонсыз-ақ алақан арқылы төлем жасауға мүмкіндік береді. Ал жаңа мүмкіндік Android құрылғыларын пайдаланушыларға Kaspi Gold картасын Google Pay немесе Google Wallet қызметіне қосып, байланыссыз төлем жасауға жол ашады.

Kaspi Gold картасын Google Pay қызметіне қосу үшін Kaspi.kz қосымшасындағы «Менің Банкім» → «Kaspi Gold» → «Google Pay қосу» бөліміне өтіп, экрандағы нұсқауларды орындау жеткілікті.

Сондай-ақ картаны Google Wallet қосымшасы арқылы да қосуға болады. Бұдан бөлек, Google есептік жазбасына кірген iOS немесе Android құрылғыларында GPay батырмасы арқылы интернет-дүкендерде онлайн төлем жасау мүмкіндігі де қарастырылған.