|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Каспий теңізінің үстінде Қазақстан Республикасының 20 метрлік Мемлекеттік Туы желбіреді, - деп хабарлайды Dauletten.kz.
Бұл ерекше шара ел бірлігі мен тәуелсіздігінің нышаны ретінде ұйымдастырылды.
Мемлекеттік Әнұран әуенімен теңізшілер туды бірінші дивизион пирсі бойымен алып өтіп, кейін оны палубаға орнатып, «Орал» зымыранды-артиллериялық кемесімен теңізге шықты.
- Көк байрақты Каспий үстінде алып өту – әрбір теңізшінің абыройы. Бұл – Отанға деген сүйіспеншілікті, бейбіт өмір мен тәуелсіздікке құрметті білдіреді, – деді рота командирі, капитан Жолды Мағжан.
Акция соңында жиналғандар теңізшілерді жылы қошеметпен қарсы алды. Шара елдің айбынын, әскери борышқа адалдықты және қазақстандық теңізшілердің рухын айқын көрсетті.
