Жаңалықтар

"Келешек" - балаңыздың болашағына арналған жинақ жүйесі

08.05.2025

1 мин

0

524

Сурет: Halyk Bank баспасөз қызметінен

"Келешек" – Halyk банкі әзірлеген және мемлекеттік білім беру жинақтау жүйесі аясында жүзеге асырылатын бағдарлама. Ол баланың білім алуына қажетті қаражатты алдын ала жинауға мүмкіндік береді. Бағдарламаға 2020 жылы және одан кейін туған Қазақстан азаматтары қатыса алады, - деп хабарлайды Dauletten.kz. 

Бағдарлама қалай жұмыс істейді?

Мемлекет 5 жасқа толған балаларға бастапқы білім беру капиталын (60 АЕК) бір реттік төлем ретінде аударады. Егер бала ата-анасының қамқорлығынсыз қалса, төлем мөлшері 120 АЕК-ке дейін жетеді. Бұл қаражатты кейін Қазақстанда немесе шетелде білім алуға жұмсауға болады.

Негізгі талап – Halyk банкіндегі AQYL білім беру салымын ашу. Бұл депозитті мобильді қосымша арқылы бірнеше минут ішінде онлайн рәсімдеуге болады. AQYL салымы бойынша жылдық тиімді сыйақы мөлшерлемесі 13,6%-дан 14%-ға дейін. Ата-аналар салымдағы қаражатты кез келген уақытта тексеріп отыра алады.

Салымдағы қаражат тек колледж немесе университеттегі оқу ақысын төлеуге пайдаланылады.

Қосымша мүмкіндіктер

"Қаржы орталығы" АҚ-ның қолдауымен қазақстандық ЖОО-лармен меморандумдар жасалып жатыр. Қазіргі таңда AQYL салымшылары үшін Л.Н. Гумилев атындағы ЕҰУ, Қ.Сәтбаев атындағы ҚазҰТЗУ және Coventry University Kazakhstan оқу орындары жеңілдіктер ұсынуға дайын.

Маңызды шарттар

Бастапқы капитал бала 5 жасқа толған жылы 1 қаңтар мен 30 маусым аралығында немесе 1 шілде мен 31 желтоқсан аралығында салым ашқан жағдайда аударылады. 6 жастан асқан балалар бағдарламаға қатыса алмайды.

Салым жұмыс істеп тұруы үшін ата-аналар жыл сайын 24 АЕК (немесе басым санатта – 12 АЕК) көлемінде қаражатты толықтырып отыруы қажет. Бұл талап бала 18 жасқа толғанға дейін немесе ЖОО-ға түскенге дейін сақталады. Егер жылдық жарна төленбесе, бастапқы капитал бюджетке қайтарылады.

Салым не береді?

• Мемлекеттік сыйлықақы (жинақтың 5–7% жыл сайын);
• Ұлттық қордан 18 жасқа толғанда берілетін мақсатты төлемдер;
• Банктің ай сайынғы сыйақысы.

Мысалы, 15 000 теңгемен ашылған AQYL депозитіне 235 920 теңге бастапқы капитал қосылып, жыл сайын 100 000 теңге салынса, 18 жасқа толғанда шамамен 7 миллион теңге жиналады.

"Келешек" – әр балаға сапалы білімге жол ашатын инвестиция.

Halyk мобильді қосымшасы арқылы AQYL депозитін бүгін ашыңыз – балаңыздың болашағына қазірден бастап қадам жасаңыз!