Жаңалықтар

Конституцияны түсіндіру жөніндегі іс-шаралар жоспары ресми бекітілді

06.04.2026

мин

0

102

Сурет: BAQ.kz

Үкімет Конституцияны түсіндіру бойынша іс-шаралар жоспарын бекітті, — деп хабарлайды Dauletten.kz. 

Премьер-министр Олжас Бектеновтің қол қойған қаулысына сәйкес, Қазақстанда Конституцияның негізгі ережелерін түсіндіру және халықтың құқықтық сауаттылығын арттыру бойынша жүйелі шаралар ұйымдастырылады. Тиісті қаулыға Премьер-министр Олжас Бектенов қол қойды.

Құжат Конституцияның негізгі ережелерін халыққа жеткізу, азаматтардың құқықтық мәдениетін арттыру және Негізгі Заңға сәйкес заңнамалық шараларды іске асыруға бағытталған. Жоспар үш негізгі бағытты қамтиды: ұйымдастыру шаралары, ақпараттық-түсіндіру жұмыстары және Конституцияның орындалуын құқықтық қамтамасыз ету.

Ұйымдастырушылық іс-шаралар аясында Конституция мәтіні басылып, таратылады, мүгедектігі бар азаматтар үшін бейімделген нұсқалары дайындалады. Сонымен қатар, құжат электронды платформаларда қолжетімді болады. Жоспарға ғылыми-сараптамалық қамтамасыз ету, көрме және ағартушылық жобаларды жүзеге асыру, тақырыптық материалдар шығару, ақпараттық-көрнекі безендіру жұмыстары кіреді.

Халықтың құқықтық сауаттылығын арттыру мақсатында оқыту семинарлары, білім беру іс-шаралары, мектеп және жоғары оқу орындарының бағдарламаларын жаңарту жоспарланған. «Құқық негіздері» және «Заң мен тәртіп» курстары, әдістемелік материалдар мен балаларға арналған басылымдар әзірленеді.

Ақпараттық-түсіндіру жұмыстары аясында кешенді медиа-жоспар, әртүрлі іс-шаралар ұйымдастырылатын болады. Конституцияның жүзеге асырылуын құқықтық қамтамасыз ету бағытында заңнамалық шаралар, қолданыстағы заңнаманы талдау және стратегиялар мен тұжырымдамаларды өзектендіру қарастырылған.

Жалпы Жоспар Конституция нормаларын халыққа кеңінен түсіндіруді және Негізгі Заң ережелерінің толық орындалуын қамтамасыз етуге бағытталған.