Жаңалықтар

Маңғыстауда 100-ден аса жылқы батпақтан шыға алмай опат болды

20.04.2026

мин

0

68

Сурет: Adyrna.kz

Маңғыстау облысында қолайсыз ауа райының салдарынан 100-ден астам жылқы батпаққа батып, шыға алмай қырылып қалды. Оқиғаға байланысты тексеріс басталды, — деп хабарлайды Dauletten.kz. 

Маңғыстау облысында ірі жылқы шығыны тіркелді. 100-ден астам жылқы батпаққа түсіп, өздігінен шыға алмай опат болған.

Жануарлардың өлекселері Сайөтес ауылы мен 7-разъезд аралығындағы теміржол маңынан табылған. Алдын ала мәлімет бойынша, оқиға өңірде болған қолайсыз ауа райымен байланысты.

14–15 сәуір күндері Маңғыстауда қатты жел соғып, нөсер жауын жауған. Соның салдарынан жер лайланып, батпаққа айналып, жайылымдағы жылқылардың қозғалысы қиындаған.

Оқиғаға байланысты тиісті органдар тексеріс жүргізіп, арнайы комиссия құрған. Шалғай ауыл маңы дрондардың көмегімен сондай ақ жол талғамайтын көліктермен тексеріліп жатыр. Қазір шығын көлемі нақтыланып жатыр.