|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Кеше "Астана концерт" компаниясы Дженнифер Лопестің 10 тамыз күні Алматыдағы Орталық стадионда концерт қоятынын хабарлаған болатын. Алайда бұл жаңалыққа ФК "Қайрат" ресми түрде жауап беріп, аталған күн клубпен келіспегенін мәлімдеді, - деп хабарлайды Dauletten.kz.
Клубтың мәліметінше, 9 немесе 10 тамыз күндері Алматы Орталық стадионында ел біріншілігі аясында "Қайрат" пен астаналық "Жеңіс" командаларының ойыны жоспарланған. Сонымен қатар 7 немесе 12 тамыз күндері "Қайрат" Еурокубок ойындарына қатысады. Осыған байланысты стадион УЕФА талаптарына сай дайындалуы тиіс, сол себепті бұл кезеңде басқа іс-шараларды өткізуге рұқсат берілмейді.
— Біз концерттің ұйымдастырылатыны жөнінде қоғамдық мәлімдеме жасалғанына таңғалдық. Бұл – ресми бас тарту күнінде жарияланды. Біз мәдени бастамаларды құрметтейміз және диалогқа ашықпыз. Болашақта Орталық стадионды пайдалану кестесін әзірлеуде барлық мүдделі тараптармен сындарлы ынтымақтастық орнайды деп үміттенеміз, – делінген "Қайрат" ФК мәлімдемесінде.
Сонымен қатар ФК "Қайрат" мәдени бастамаларды құрметтейтінін, бірақ стадионды пайдалану кестесін жасау кезінде барлық тараптармен конструктивті жұмыс қажет екенін атап өтті.
