|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжілісте еңбек заңнамасы мен стратегиялық әріптестік туралы келісім қаралады, - деп хабарлайды Dauletten.kz.
Ертең депутаттар бірінші оқылымда «Қазақстан Республикасының мемлекеттік қызметі туралы» заң жобасының жаңа редакциясын және оған ілеспе түзетулерді, депутаттар бастамашы болған еңбек заңнамасын жетілдіру мәселелері жөніндегі заң жобасын қарайды.
Сондай-ақ Қазақстан мен Ұлыбритания және Солтүстік Ирландия Құрама Корольдігі арасындағы стратегиялық әріптестік пен ынтымақтастық туралы келісімді ратификациялау жобасы қаралады.
Бұдан бөлек, депутаттар Қазақстан Республикасының мамандандырылған мекемелердің артықшылықтары мен иммунитеттері туралы конвенцияға қатысты ескертпесі мен мәлімдемесін алып тастау туралы, сондай-ақ ҚР Үкіметі мен БҰҰ арасындағы Қазақстанда Орталық Азия мен Ауғанстан үшін орнықты даму мақсаттары жөніндегі БҰҰ-ның өңірлік орталығын құру туралы келісімді және осы орталыққа қатысты өзара түсіністік туралы меморандумды ратификациялау жөніндегі жаңа заң жобаларын жұмысқа қабылдауды жоспарлап отыр.
