|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Баспасөз конференциясында журналистердің бірі "Реал Мадрид" клубының бас бапкері Хаби Алонсодан "Қайратпен" өтетін ойынға қатысты ойыншылардың пікірін сұрады, - деп хабарлайды Dauletten.kz сайты 1bol.kz-ке сілтеме жасап.
Чемпиондар лигасының негізгі кезеңінде аталмыш клуб Алматыға келеді және бұл сапар 8 сағаттан кем болмайды. Осыған байланысты "бұл матчқа негізгі құрам бара ма, әлде қосылқы ма?" деген сауал қойылды.
Бас бапкер "Қайратқа" деген құрметін білдіріп, маңызды кездесуде жеңіске жетуге тырысатынын алға тартты.
- Әрине, бұл өте ұзақ сапар. Яғни 8 немесе 10 сағат дегеніміз әдеттегідей жағдай емес. Бірақ бұл Чемпиондар лигасындағы маңызды матч. Біз "Қайратты" құрметтейміз. Олар бұл кезеңге жету үшін көп еңбектенді және бұл команда үшін тарихи сәт. Біз мықты құраммен барамыз, алаңға негізгі ойыншылар да шығады. Алғашқы минуттардан бастап-ақ ойынды бақылауда ұстауға тырысамыз, - деді Алонсо.
Айта кетейік, "Қайрат" пен "Реал" арасындағы матч 30 қыркүйекте Алматыдағы Орталық стадионда өтеді. Матч 21:45-те басталады.
