Мектеп оқушыларының ата-аналары Білім және ғылым министрлігіне оқу барысын дәстүрлі бағытқа ауыстыру туралы петиция жазды. Ата-аналар тікелей мұғалімдердің қатысуымен сабақтардың өткізіліп, балалардың мектепке баруын сұрайды. Министрліктің баспасөз хатшысы Гаухар Омарбек бұл мәселеге қатысты жауап берді.
«Қазіргі таңда бастауыш сыныпта оқитын балалар ата-аналардың сұрауы бойынша мектепте білім ала алады. Сондай-ақ 3 мыңға жуық шағын мектептерде 1-11 сынып оқушылары дәстүрлі форматта оқып жатыр. Жалпы бұл мәселе бойынша еліміздің бас санитарының шешімі бойынша жұмыс жасаймыз. Балаларды дәстүрлі оқыту форматына ауыстыру бойынша бұйрық шыққан уақытта ғана біз тиісті жұмыстарды атқара аламыз», - дейді Гаухар Омарбек.
