|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Соңғы 2 жылда қысқа мерзімді онлайн кредит алушылар қатары күрт өскен, деп хабарлайды Dauletten.kz.
Қазір онлайн микрокредит секторында 227 мың адамның проблемалық кредиті бар. Бұл бүкіл микроқаржы ұйымының секторының проблемалық қарыз алушылар санынан 80 пайызына тең.
Әсіресе жастар арасында микронесие алу әдетке айналып кеткен. Ақшаға мұқтаж емес қазақстандықтардың өзі бірнеше жерге тіркеліп, сан соғып жатыр.
Осы тақырып төңірегінде депутат Ержан Бейсенбаев қазақстандықтардың дені микронесиені жалақыға дейін күн көру мақсатында алатынын айтып, сауал жолдады.
«Қазір азаматтардың көбі жалақыға дейін күн көру үшін микрокредиттер алуға мәжбүр. Бұл – өте қауіпті құбылыс. Өйткені, мұндай қарыздың пайызы аса жоғары. Тіпті, кейбір жағдайда 1 мың пайызға дейін жетеді. Қазір бұл – кепілсіз қарыз алудың өте оңай жолы. Ақша тез әрі қарыз алушының табыс деңгейі есепке алынбай беріледі. Дәл осы сегментте жастар өте көп кредит алып жатыр, ал кейбірінің басында 2-3 кредитке дейін бар. Әрине, кредиттің деңгейінің өсуімен проблемалық кредиттер саны да артып жатыр. Бүгінде проблемалық несиелер бойынша жалпы қарыз 1,7 трлн теңгеден асады. Осыған байланысты микроқаржылық ұйымдардың осындай микрокредиттер беруіне қойылатын талаптарды қатаңдату көзделе ме? Микронесие беруді алып тастау жағы қаралы ма?», - деді ол.
Депутаттың сауалына Мәжілістегі әріптесі Үнзила Шапақ жауап берді.
«Бүгін заңнамалық тұрғыда жалақыға дейін микрокредит беру мүмкіндігі қарастырылған. Ол 45 күнге дейін 50 АЕК сомасында беріледі, бұл – 184 600 теңге. Бұл шағын несиелер қарыз жүктемесін тиісті бағалаусыз қашықтан беріледі. Сондықтан бүгінде бұл сегментінде 60 компания жұмыс істейді. Олар жоғары ставка бойынша тұрғындарға микрокредитті бере береді», - деді депутат.
Аталған мәселе қазір заң аясында қаралып жатыр. Атап айтсақ, бұрын қарызы болған, не күнтізбелік 90 күннен кешіктірілген берешегі бар азаматтарға микрокредит алуға тыйым салу туралы норманы енгізу жағы қарастырылып жатыр.
