|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан мұсылмандары діни басқармасы азаматтарға діни мәселелер бойынша жедел әрі қолжетімді кеңес беру үшін жаңа Call-орталық қызметін іске қосты, - деп хабарлайды Dauletten.kz
ҚМДБ бастамасымен іске қосылған 1511 қысқа нөмірі арқылы тұрғындар діни сұрақтарына мамандардан тегін жауап ала алады. Жаңа байланыс орталығы халыққа қажетті ақпаратты жедел ұсынуға бағытталған.
Қазіргі таңда 1511 нөмірі Kcell, Activ, Beeline және Қазақтелеком байланыс операторларының абоненттері үшін тегін жұмыс істейді. Ал Tele2 және Altel желілерін пайдаланатын азаматтарға +7 707 233 30 30 байланыс нөмірі ұсынылған.
Муфтияттың мәліметінше, Call-орталық діни мәселелер бойынша түсіндіру жұмыстарын күшейтіп, азаматтардың сауалдарына уақытылы жауап беруге мүмкіндік береді.
