Жаңалықтар

Мұғалімдерге мерекелік сыйақы төлеу мәселесіне комитет төрағасы жауап берді

23.07.2026

мин

0

387

Сурет: Ақтөбе газеті

Қазақстанда педагогтерге ресми мерекелерде арнайы сыйақы төлеу мәселесі қайтадан қоғам назарын аударды, — деп хабарлайды Dauletten.kz.

Педагогтерге мерекелік сыйақы төлеу туралы ұсыныс қоғамда қызу талқыланғаннан кейін Орта білім беру комитетінің төрағасы Қаныбек Жұмашев ресми түсініктеме берді. Оның айтуынша, бұл бастама қабылданған шешім емес, білім саласындағы қолдау тетіктерін жетілдіруге бағытталған ұсыныс.

Комитет төрағасы мұғалімдерді ынталандырудың қосымша жолдарын қарастыру уақыт талабы екенін атап өтті. Оның пікірінше, жергілікті атқарушы органдар өңірлік бюджет мүмкіндіктеріне қарай педагогтерге мерекелік сыйақы төлеу мәселесін зерделей алады. Сонымен қатар бұл бағытта әдістемелік ұсынымдар әзірлеу және өңірлік қолдау бағдарламаларын іске асыру мүмкіндігі де қарастырылмақ.

Әзірге педагогтерге мерекелік төлем енгізу туралы нақты шешім қабылданған жоқ. Бұл мәселе талқылау сатысында және оны жүзеге асыру әр өңірдің қаржылық мүмкіндігіне байланысты болмақ.

Бұл бастама қоғамда қызу талқылануының себебі түсінікті. Соңғы жылдары мұғалімдердің жалақысы кезең-кезеңімен өссе де, кәсіби мерекелерде қаржылай ынталандыру тетігі заңмен бекітілмеген. Сондықтан көптеген педагог бұл ұсынысты қосымша қолдау ретінде қабылдады.

Алайда ұсыныстың жүзеге асуы біркелкі болмайтын түрі бар. Егер шешім жергілікті бюджетке тәуелді болса, бір өңірде мұғалімдер сыйақы алса, екінші өңірде мұндай мүмкіндік болмауы ықтимал. Бұл өз кезегінде өңірлер арасындағы әлеуметтік айырмашылықты күшейтуі мүмкін.