|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Нарықтағы қысым азайып, мұнай бағасы 90 доллардан төмендеді, - деп хабарлайды Dauletten.kz.
Соңғы күндері геосаяси шиеленіс салдарынан қымбаттаған мұнай бағасы қайтадан төмендеу үрдісіне өтті. Бұған Donald Trump-тың Ирандағы әскери операцияның аяқталуы мүмкін екені туралы мәлімдемесі әсер еткен.
Бұған дейін мұнайдың бір баррелі 116 долларға дейін көтеріліп, кейін шамамен 106 доллар деңгейінде саудаланған еді. Нарықтағы алаңдаушылық бәсеңдей бастаған соң баға біртіндеп төмендей түсті.
10 наурыз күні Астана уақытымен сағат 07:30-дағы мәлімет бойынша, мұнайдың бір баррелі 88,83 доллар шамасында саудаланып жатыр.
Сарапшылардың пікірінше, Таяу Шығыстағы жағдайдың тұрақтануы мүмкін деген болжамдар мұнай нарығына әсер етіп, бағаның төмендеуіне себеп болған. Сонымен қатар инвесторлар геосаяси тәуекелдердің азаюын мұқият бақылап отыр.
