Жаңалықтар

Непалдағы тасқын: екі қазақстандық әлі табылмай жатыр

28.08.2026

мин

0

103

Непалда болған алапат тасқыннан кейін 644 адам әлі із-түзсіз жоғалып кеткен. Олардың арасында Қазақстанның екі азаматы бар, — деп хабарлайды Dauletten.kz.

Непалда болған тасқыннан кейін жүздеген адамның тағдыры әлі белгісіз. Елдің Туризм кеңесі таратқан мәлімет бойынша, қазіргі уақытта 644 адам із-түзсіз жоғалғандар қатарында.

Олардың арасында шетел азаматтары да бар. Атап айтқанда, жоғалғандар тізіміне:

● Үндістанның – 178 азаматы;

● АҚШ-тың – 65 азаматы;

● Украинаның – 53 азаматы;

● Малайзияның – 51 азаматы;

● Аустралияның – 35 азаматы;

● Ұлыбританияның – 33 азаматы;

● Канаданың – 25 азаматы;

● Қазақстанның – 2 азаматы енгізілген.

Сонымен қатар із-түзсіз жоғалғандардың арасында Непалдың 127 азаматы бар.

Осылайша, апаттан кейінгі іздеу жұмыстары әлі де жалғасып жатыр. Қазақстан азаматтарының қай өңірден екені және олардың қазіргі жағдайы туралы қосымша ақпарат әзірге жарияланған жоқ.

Непалдағы жағдай халықаралық туристердің де қауіпсіздігіне қатысты алаңдаушылық туғызды. Жоғалғандар тізімінде бірнеше мемлекеттің азаматтарының болуы табиғи апаттың ауқымы кең болғанын көрсетеді.