Жаңалықтар

Нұрбанк баспана алуға жеңілдетілген ипотека енгізуі мүмкін

15.04.2026

мин

0

109

Сурет: Forbes.kz

Нұрбанк 2026 жылы тұрғын үй жинақ депозиті бағытын іске қосып, ипотекалық өнімдер әзірлеуді қарастыруда, — деп хабарлайды Dauletten.kz.

Finratings.kz мәліметінше, қаржы ұйымы қазіргі уақытта жаңа жобаны әзірлеудің бастапқы кезеңінде тұр. Яғни тұрғын үй жинақ шоттарының шарттары мен негізгі ережелері пысықталып, өнімнің нарықтағы тиімділігі бағалануда.

Банк бұл бағытта нарықтағы бәсекелестікті де ескеріп отыр. Әсіресе мемлекеттен 20% көлемінде сыйақы берілетін жалғыз банк саналатын «Отбасы банкімен» бәсекелестікке ерекше назар аударылуда. Осыған байланысты Нұрбанк клиент тартудың балама және тиімді тетіктерін қарастыруда.

- Алдын ала тұрғын үй жинақ депозиті бойынша мөлшерлемені “Отбасы банкімен” салыстырғанда жоғары ету мүмкіндігі қарастырылып жатыр, – делінген банк өкілдерінің түсініктемесінде.

Сонымен қатар қаржы ұйымы зейнетақы жинақтарының бір бөлігін тұрғын үй депозиттерін толықтыруға пайдалану тетігін енгізу мүмкіндігін де жоққа шығармайды. Мұндай механизм нарықта бұрыннан бар, алайда банк оны өз өнімдеріне бейімдеп енгізуді жоспарлап отыр.

Айта кетейік, бұған дейін Freedom Bank серіктес ұйыммен бірге жаңа тұрғын үй кешендерінен пәтер сатып алуға 5–10% мөлшерлемемен ипотека ұсынатыны хабарланған еді.