Жаңалықтар

Нұрлыбек Нәлібаев Премьер-Министрдің бірінші орынбасары болып тағайындалды

06.05.2026

мин

0

65

Сурет: Үкімет

Қызылорда облысын басқарған Нұрлыбек Нәлібаев жаңа қызметке ауысып, Үкімет басшысының бірінші орынбасары лауазымына кірісті, — деп хабарлайды Dauletten.kz.

Қазақстанда кадрлық өзгерістер жалғасуда. Мемлекет басшысының жарлығымен Нұрлыбек Машбекұлы Нәлібаев Қазақстан Республикасы Премьер-Министрінің бірінші орынбасары болып тағайындалды. Осыған байланысты ол бұған дейін атқарған қызметінен босатылды.

Нәлібаев 2022 жылдың сәуір айынан бастап Қызылорда облысының әкімі қызметін атқарып келген. Оның басшылығы кезінде өңірде бірқатар әлеуметтік және инфрақұрылымдық жобалар жүзеге асырылды.

Ресми деректерге сәйкес, ол 1976 жылы Қызылорда облысында дүниеге келген. Жоғары білімді маман Қазақ мемлекеттік аграрлық университеті мен Қазақ гуманитарлық заң университетін тәмамдаған.

Еңбек жолын 1990-жылдардың соңында мұнай саласында бастап, сарапшы ретінде қызмет атқарған. Кейін әртүрлі мемлекеттік құрылымдарда жауапты қызметтерде болып, басқару тәжірибесін жинақтады.