Жаңалықтар

Өңірлерде ЖИ көмегімен инсульт өлім-жітімі едәуір азайды

28.04.2026

мин

0

122

Сурет: Ғаламтордан

Инсульт диагностикасындағы ЖИ өңірлерде оң нәтиже беруде, — деп хабарлайды Dauletten.kz. 

Қазақстанда халықтың өмір сүру сапасын арттыруға бағытталған 50-ден астам жасанды интеллект агенті кезең-кезеңімен енгізіліп жатыр. Бұл туралы Үкімет отырысында Премьер-министрдің орынбасары, Жасанды интеллект және цифрлық даму министрі Жаслан Мәдиев мәлімдеді.

Министрдің айтуынша, денсаулық сақтау саласында іске асқан тиімді жобалардың бірі – Cerebra AI жүйесі. Ол инсультті ерте диагностикалауға арналған жасанды интеллект шешімі болып табылады.

Жүйе компьютерлік томография нәтижесін дәстүрлі 30 минуттың орнына 5–10 минут ішінде талдайды. Бұл диагноз қою процесін жеделдетіп қана қоймай, оның дәлдігін де арттырады.

Cerebra AI қазіргі уақытта Астанадағы 17 емханада, сондай-ақ Ақмола, Маңғыстау, Жамбыл және Алматы облыстарында қолданылып келеді.

Мамандардың айтуынша, инсультті ерте анықтау мүмкіндігі кей өңірлерде өлім-жітім көрсеткішін шамамен 40%-ға дейін төмендетуге ықпал еткен.