|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жамбыл облысында өткен жауқазындар фестивалінен қайтқан жұрт жолда жаяу қалуға мәжбүр болды. Ауқымды шараға шақырылған қонақтар қайтар жолда қараусыз қалдырылғанына наразы, - деп хабарлайды Dauletten.kz “КТК” арнасына сілтеме жасап.
Қызғалдақ алқабынан фестиваль аумағына дейін 10 шақырымнан аса жаяу жүрген адамдардың қатарында қарттар мен балалар да болған. Олардың айтуынша, арнайы бөлінген автобустар лық толып, кетіп қалған.
Амалсыздан далада қалған жұрт елді мекенге дейін жаяу жетіп, кейін қалаға дейін көлік тосуға мәжбүр болған. Ұйымдастырушылар болса, дайындалған көліктер бірнеше мәрте қатынағанын алға тартады. Себебі жеке көлігімен келген кейбір қонақтар көлігін тастап, автобусқа отырған.
Ресми мәліметке сәйкес, 20 автобус пен 40 “Нива” көлігі 4 мың адамды тасымалдауға тырысқан. Әкімдік өкілдерінің айтуынша, бірнеше сағат ішінде барлық қонақтар жол бойына жеткізілген.
