Жаңалықтар

ОСК мәлімдемесі: Мәслихат сайлауына 35,8 млрд теңге жұмсалмақ

02.11.2026

0 мин

0

73

Сурет: КазТАГ

Қазақстанда кезектен тыс мәслихат сайлауын өткізуге 35,8 миллиард теңге жұмсалады. Қаржыландыру көлемі мен кандидаттардың тіркелу барысы туралы Орталық сайлау комиссиясының мүшесі Михаил Бортник мәлімдеді, — деп хабарлайды Dauletten.kz.

Орталық сайлау комиссиясының өкілі Михаил Бортниктің айтуынша, кезектен тыс сайлау науқанын ұйымдастыруға қажетті қаражат тікелей Үкімет резервінен бағытталады.

Саяси додаға қатысу үшін ОСК тарапынан 10 971 кандидат ресми түрде тіркелді. Атап айтқанда:

 9 752 кандидат – бірмандатты округтер арқылы бағын сынайды;

 1 219 кандидат – партиялық тізімдер бойынша ұсынылған.

Осылайша, өңірлік өкілді органдардағы әр депутаттық орынға орта есеппен 3 үміткерден келеді.

Еске сала кетейік, маңызды саяси шара 29 қарашаға жоспарланған. Сонымен қатар, елімізде сайлауалды үгіт-насихат жұмыстары ресми түрде басталып кетті. Кандидаттардың насихат науқаны 28 қараша сағат 00:00-де тоқтатылады.