|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Павлодар облысында шахтаға құлаған автобус әлі табылмады, - деп хабарлайды Dauletten.kz тілшісі.
Өңірдегі ТЖД баспасөз қызметі мәліметінше, 4 қаңтарда сағат 01:25 шамасында Павлодар облысының Баянауыл ауданында "Майқайыңзолото" АҚ аумағында, Майқайың кеніші шахтасының маңында тазарту кеңістігіне төрт жолаушысы бар автобус құлаған. Ведомствоның баспасөз қызметі мәліметінше, опырылған жер ұзындығы 150-200 метр, ені 500 метр, тереңдігі 150 метр.
«Оқиға кезінде автобуста КӘА ҚҚРОШ Павлодар филиалының үш құтқарушысы мен жүргізушісі болған. Шахтадан 33 жұмысшы эвакуацияланды, олардың өмірі мен денсаулығына қауіп жоқ», - деп хабарлады ведомствоның баспасөз қызметі.
Орталық штабтың ресми сайты екі адамның мәйіті табылғанын хабарлады. Құтқарушылар автобус пен қалған адамдарды іздеп жатыр.
Жедел штаб құрылып, оқиға орнында Павлодар облысының әкімі Асайн Байханов, Төтенше жағдайлар департаментінің басшылығы мен жергілікті атқарушы органдар жүр. Психологтар жұмыс істеп жатқаны айтылды.
Авариялық-құтқару жұмыстарына "Майқайыңзолото" АҚ кәсіби әскерилендірілген авариялық-құтқару қызметтері Павлодар филиалының, Жергілікті атқарушы органдардың, сондай-ақ ТЖ департаменті құтқарушыларының күштері мен құралдары жұмылдырылған. Барлығы 44 адам, 13 техника және бір ҰҰА (дрон) жұмылдырылды.
