|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қарағанды облысы Шет ауданы Еңбекшіл ауылында жаңа медициналық пункт пайдалануға берілді. Бұл әлеуметтік нысан ауылдық жерлердегі инфрақұрылымды дамыту жөніндегі Мемлекет басшысының тапсырмасын орындау аясында елге қайтарылған заңсыз иемденілген активтер есебінен салынды, - деп хабарлайды Dauletten.kz.
Медициналық пункт 200-ден астам ауыл тұрғынына қызмет көрсетеді. Ол заманауи құрал-жабдықтармен жабдықталған, ғимаратта дәрігерге дейінгі қарау, тексеру және ем-шаралар кабинеттері бар. Сондай-ақ шұғыл жағдайларда көмек көрсету үшін мекемеге аудандық аурухананың реанимобилі бекітілген.
Бұл Шет ауданында қайтарылған активтер есебінен жүзеге асқан жалғыз жоба емес. Қазір Жыланды ауылында да жаңа медициналық пункттің құрылысы жүріп жатыр.
Облыстағы Арнаулы мемлекеттік қордан қаржыландырылған 51 медициналық мекеменің 24-і салынды, оның 11-і пайдалануға берілген. Қалған 27 нысанның құрылысы жалғасуда және қыркүйек айының соңына дейін тапсыру жоспарланып отыр.
Жаңа медициналық нысандарды ашу Президент Қасым-Жомарт Тоқаев бастамасымен қабылданған "Ауылдық денсаулық сақтауды жаңғырту" ұлттық жобасы аясында іске асуда. Бүгінде жоспарланған 655 жобаның 540-ы жүзеге асырылды.
