|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде тәулігіне 30 мың адам коронавируспен емделіп жатса, қатаң карантин енгізілмек. Бұл туралы денсаулық сақтау министрлігінің ресми өкілі Бағдат Қожахметов айтты.
"Карантин жайлы сұрақтар өте көп. Бәріміз үшін ең бастысы ауырып жатқан науқастар саны маңызды. Бұл көрсеткіш карантиннің енгізілуіне тікелей байланысты. Қазіргі таңда елімізде 4 600 адам емделіп жатыр. Егер олардың саны тәулігіне 30 мыңға жетсе, тиісінше, елде ең қатаң карантин енгізіледі", - деді Қожахметов.
Оның айтуынша, кезекті толқынға дайындық жұмыстары жүргізіліп жатыр. Емханалар бір мезетте 70 мыңнан астам төсек-орын ұйымдастыруға дайын екeнін айтты.
Елімізде соңғы деректер бойынша COVID-19 жұқтырғандар сaны 106 661 адамға жетті. Оның 94,1 %-і жазылып шықты.
