|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан мен Өзбекстан шекарасындағы "Тәжен" өткізу пунктінен өтуге қойылған шектеу тағы төрт айға ұзартылды. Бұл туралы Қаржы министрлігі Мемлекеттік кірістер комитеті мәлімдеді, - деп хабарлайды Dauletten.kz.
"Тәжен" өткізу пункті 2024 жылғы 1 ақпаннан бастап жеке тұлғаларға, жеңіл автокөліктерге, автобустарға және жүк көтергіштігі 3,5 тоннаға дейінгі автокөліктерге жабылған болатын. Бұл шешім өткізу бекетіндегі құрылыс жұмыстарын жеделдетіп, толық аяқтау үшін қабылданған.
Қазіргі уақытта онда ауқымды құрылыс жұмыстары жүргізіліп жатыр: металл құрылымдарды орнату, инженерлік желілерді тарту, ғимараттарды күрделі жөндеу.
Сонымен қатар мамыр айынан бастап "ҚазАвтоЖол" "Тәжен" (Қазақстан) және "Даут Ата" (Өзбекстан) пункттері арасындағы бейтарап аумақта автожол салуды бастайды. Ұқсас жұмыстар өзбек тарапы тарапынан да жүргізіледі.
– Құрылыс жұмыстарының жалғасуына байланысты Қазақстан Өзбекстанға шекарадан өтуге қойылған шектеуді тағы төрт айға – 2025 жылдың 1 қыркүйегіне дейін ұзарту туралы ресми түрде ұсыныс жасады, – делінген хабарламада.
Өзбекстан бұл бастаманы қолдады.
