|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Футболдан Қазақстан ұлттық құрамасының жартылай қорғаушысы әрі ең үздік сұрмергені Бахтиер Зайнутдинов Түркияның "Бешикташ" клубынан Ресейдің "Динамо" командасына өтті, - деп хабарлайды Dauletten.kz.
Мәскеулік клуб қазақстандық футболшының ауысқанын 28 шілдеде әлеуметтік желідегі ресми парақшасында растады.
"Бешикташ" клубы Зайнутдиновқа команданың жетістіктеріне қосқан үлесі үшін алғыс білдіріп, "Динамомен" трансфер шарттары толық келісілгенін хабарлады.
27 жастағы жартылай қорғаушы өткен маусымда жарақатына байланысты тек тоғыз ойынға қатысып, ұзақ уақыт қалпына келуге мәжбүр болды.
Жалпы, екі жыл ішінде Зайнутдинов "Бешикташ" сапында 12 матч өткізіп, командамен бірге Түркия кубогы мен Суперкубогын жеңіп алды. Сонымен қатар, ол Еуропа лигасы мен Конференция лигасының ойындарына қатысқан.
Айта кетсек, Бахтиер Зайнутдинов бұған дейін қазақстандық "Тараз" және "Астана" клубтарында, Ресейдің "Ростов" және ЦСКА командаларында өнер көрсеткен.
Ол "Динамомен" 2029 жылдың жазына дейін келісімшартқа қол қойып, жаңа командасында №9 нөмірімен ойнайтын болады.
Трансфердің нақты құны жария етілген жоқ, бірақ Transfermarkt деректеріне сүйенсек, футболшының бағасы шамамен 2,8 миллион еуроны құрайды.
