|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сарапшылар Қазақстандағы көкөніс пен жеміс-жидек бағаларын ТМД елдеріндегі жағдаймен салыстырды, - деп хабарлайды Dauletten.kz.
Energyprom.kz дерегіне сүйенсек, 2025 жылдың наурыз айында Қазақстанда көкөніс пен жеміс-жидек бір айда 3,1%-ға, ал жылдық көрсеткіш бойынша 11,9%-ға қымбаттаған. Нақтырақ айтқанда, наурызда жаңа піскен жеміс-жидек бағасы 4,4%-ға, өңделгені 0,2%-ға, жаңа піскен көкөністер 3,1%-ға, өңделген көкөністер 1,2%-ға өскен. Жыл ішінде бұл өнімдер сәйкесінше 5,4%, 3,1%, 13,6% және 8%-ға қымбаттаған.
Бағаның айлық өсімі бойынша рекорд Алматы облысында тіркелген – 6%. Ең аз өсім Ақтөбе облысында байқалған – бар болғаны 0,2%. Ал жылдық өсім бойынша Атырау облысы көш бастады (22,1%), ең төмен өсім – Жетісу облысында (7,1%).
2025 жылғы наурыздағы нақты бағаларға тоқталсақ: картоптың келісі – 233 теңге, қырыққабат – 190 теңге, пияз – 131 теңге, қызылша – 315 теңге, сәбіз – 162 теңге. Қиярдың орташа бағасы – 1 200 теңге, қызанақ – 1 300 теңге, алма – 696 теңге, банан мен апельсин – 1 200 теңге, лимон – 1 300 теңге, ал курага – 4 000 теңге.
Numbeo порталының 2025 жылғы 19 сәуірдегі мәліметтері бойынша, Қазақстанда 1 келі алманың бағасы – 1,2 АҚШ доллары, банан – 1,8 доллар, апельсин – 1,9 доллар. Картоп – 0,5 доллар/кг, пияз – 0,6 доллар, қызанақ – 1,9 доллар.
Салыстырмалы түрде: ең арзан алма – Молдова мен Украинада (0,8 доллар/кг), ең қымбаты – Ресейде (1,7 доллар/кг). Банан ең арзан Украинада (1,5 доллар), ең қымбаты – Тәжікстанда (2,3 доллар). Апельсин ең арзан Әзербайжанда (1,5 доллар), ал ең қымбаты – Тәжікстанда (2,4 доллар).
Картоп ең қымбат елдер – Армения, Тәжікстан, Ресей және Молдова (0,8 доллар/кг), ал ең арзан – Беларусь, Өзбекстан және Қазақстан (0,5 доллар/кг). Пияз Украинада ең арзан (0,3 доллар), ал Әзербайжан мен Арменияда ең қымбат (0,7 доллар). Қызанақтың ең төмен бағасы Тәжікстанда (0,8 доллар), ал ең жоғарысы Ресейде (3 доллар) тіркелген.
