Жаңалықтар

Қазақстанда ауа райы күрт құбылады: үсік, найзағай және бұршақ күтіледі

22.05.2026

мин

0

395

Сурет: BAQ.kz

Алдағы тәулікте Қазақстанның бірнеше өңірінде ауа райы құбылмалы болады. Синоптиктер үсік, найзағай, жаңбыр және екпінді жел болатынын ескертті, —деп хабарлайды Dauletten.kz. 

Ел аумағында тұрақсыз ауа райы сақталады. Бірқатар өңірде жаңбыр жауып, найзағай ойнайды. Кей жерлерде бұршақ түсіп, тұман болуы мүмкін. Сонымен қатар желдің күшеюі күтіледі.

Солтүстік аймақтарда түнгі уақытта үсік жүру ықтималдығы жоғары. Мамандар тұрғындарға сақтық шараларын ұстануға кеңес берді.

Астанада күн ала бұлтты болады. Жауын-шашын күтілмейді, желдің жылдамдығы 7–12 м/с шамасында болады.

Алматыда күн бұлтты болып, жаңбыр жауып, найзағай ойнайды. Желдің екпіні 15–18 м/с-қа дейін жетеді. Ауа температурасы түнде +14…+16°C, күндіз +20…+22°C болады.

Шымкентте де бұлтты ауа райы сақталады. Жаңбыр жауып, желдің жылдамдығы 15–20 м/с-қа дейін күшейеді. Түнде +16…+18°C, күндіз +25…+27°C жылы болады.