|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
«Қазгидромет» 19 қаңтардағы Қазақстан аумағы бойынша ауа райы болжамын жариялады, - деп хабарлайды Dauletten.kz.
Синоптиктердің мәліметінше, дүйсенбі күні еліміздің солтүстік-батыс, солтүстік және оңтүстік өңірлерінде қар жауады. Солтүстік-батыс пен солтүстікте жаяу бұрқасын мен боран күтіледі.
Елдің басқа аймақтарында жауын-шашын болмайды, аязды ауа райы сақталады. Қазақстан бойынша тұман түсіп, көктайғақ пайда болуы және желдің күшеюі мүмкін.
Түнгі уақытта Шығыс Қазақстан облысында, сондай-ақ Абай облысының шығыс бөлігінде ауа температурасы -40°C-қа дейін төмендейді. Жетісу облысында сынап бағаны -22…-27°C аралығында болады. Ал Маңғыстау облысының солтүстік-шығысында қатты аяз -22°C-қа жетеді.
Сонымен бірге Шығыс Қазақстан облысының солтүстік және шығыс аудандарында түнде ерекше қатты аяз байқалып, ауа температурасы -45°C-қа дейін төмендеуі ықтимал. Бұл өңірлерде ауа райы айтарлықтай суық болады.
