Жаңалықтар

Қазақстанда донорларға арналған жаңа төсбелгі пайда болды

13.07.2026

мин

0

109

Қазақстанда алғаш рет тұрақты әрі өтеусіз қан тапсырған азаматтарға арналған «Құрметті донор» ведомстволық төсбелгісі тағайындалды. Алғашқы марапатқа 481 адам ие болады, — деп хабарлайды Dauletten.kz.

Қазақстанда алғаш рет «Құрметті донор» ведомстволық төсбелгісі табысталады. Бұл марапат өтеусіз негізде тұрақты түрде қан мен оның компоненттерін тапсырып жүрген азаматтарды ынталандыру мақсатында енгізілген.

Үкіметтің қаулысына сәйкес, төсбелгі Қазақстан азаматтарына ғана емес, елімізде өтеусіз донор болған шетел азаматтары мен азаматтығы жоқ адамдарға да беріледі.

Алғашқы кезеңде бұл марапатқа 481 донор лайық деп танылды. Олар белгіленген талаптарды толық орындаған азаматтар.

«Құрметті донор» атағын алу үшін адам кемінде 40 рет қан немесе тромбоцит, не болмаса 70 рет қан плазмасын өтеусіз тапсыруы қажет.

Жаңа төсбелгі – қоғамдағы донорлық мәдениетін дамытуға, тұрақты донорлардың еңбегін бағалауға және өзге азаматтарды да қан тапсыруға ынталандыруға бағытталған. Мамандардың айтуынша, бір адамның тапсырған қаны бірнеше науқастың өмірін сақтап қалуға мүмкіндік береді.