Жаңалықтар

Қазақстанда электр энергиясының тарифтері өседі

31.07.2025

1 мин

1

691

Сурет: eprussia.ru

2025 жылғы 1 тамыздан бастап елімізде электр энергиясының тарифтері қымбаттайды. Бұл туралы Энергетика министрінің тиісті бұйрығы жарияланды, - деп хабарлайды Dauletten.kz.

Баға көрсеткіші аймақ пен қызмет көрсететін компанияға байланысты өзгеріп, орта есеппен 2 теңгеге жоғарылайды. 

Telegram желісіндегі “Юрист ПАРАГРАФ” арнасы таратқан ақпаратқа сәйкес, келесі энергия өндіруші ұйымдар тарифтерді көтереді:

• Т.И. Батуров атындағы Жамбыл МАЭС – 22,58 теңгеден 23,25 теңгеге;
• Ақтөбе ЖЭО – 17,54 теңгеден 18,19 теңгеге;
• “Жайықтеплоэнерго” АҚ – 13,25 теңгеден 13,95 теңгеге;
• МАЭК-Қазатомөнеркәсіп – 22,16 теңгеден 23,26 теңгеге;
• “Кристал Менеджмент” АҚ – 15,27 теңгеден 16,09 теңгеге;
• “Ақтөбе рельс-арқалық зауыты” ЖШС – 21,11 теңгеден 23,58 теңгеге;
• “З-Энергоорталық” – 16,77 теңгеден 18,46 теңгеге;
• “Қызылорда жылу-энергетика орталығы” – 12,10 теңгеден 13,13 теңгеге;
• “Батыс Пауэр” ЖШС – 15,89 теңгеден 17,63 теңгеге;
• “Karabatan Utility Solutions” ЖШС – 10,67 теңгеден 13,06 теңгеге;
• “OzenMunaiProm” ЖШС – 26,92 теңгеден 28,68 теңгеге;
• “ТНК Қазхром” АҚ – 10,67 теңгеден 11,65 теңгеге;
• “ССГПО” АҚ – 18,82 теңгеден 18,94 теңгеге дейін өседі.

Дереккөздің мәліметінше, энергия өндіруші ұйымдардың 63-тобына арналған тариф 1 кВт/сағ үшін 44,02 теңге болып белгіленді.

Яғни, электр энергиясын жеткізуші кәсіпорындар үшін тарифтер қымбаттайды. Бұл өзгеріс, тиісінше, тұтынушылар үшін де бағаның өсуіне әкелуі мүмкін.