|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс кулуарында депутат Мұрат Әбенов қыз алып қашқандарға айыппұлдан бөлек, қылмыстық жауапкершілік қарастырылып жатқанын айтты, - деп хабарлайды Dauletten.kz.
Оның айтуынша, мұндай жағдайларда көп жағдайда кінәлілер жазаланбай қалады. Әсіресе, бұл деректер елдің оңтүстік өңірлерінде жиі кездеседі.
- Егер қыз 18 жасқа толмаған болса немесе алып қашу кезінде күш қолданылса, не бірнеше адам күш қолданса, жаза күшейтіледі – 5 жылдан 7 жылға дейін бас бостандығынан айыру жазасы берілуі мүмкін. Соңғы үш жылда полицияға некеге мәжбүрлеу және адам ұрлау бойынша 214 арыз түскен. Бірақ соның тек 10-ы ғана сотқа жеткен. Жартысынан көбінде ешқандай шара қолданылмай, күдіктілер босатылған. Қалған 205 іс мүлде қаралмаған, қылмыстық істер тоқтатылған. Қыз өз еркімен емес, алып қашып кеткенін, көліктен секіріп кеткенін, күш қолданылғанын дәлелдегенімен, тиісті шаралар қабылданбаған, – деді депутат.
Әбеновтың айтуынша, келесі аптада бұл ұсыныстар Мәжілісте екінші оқылымда қаралады.
