|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда риелтор қызметінің құны өңірге байланысты әртүрлі. Бағаға тұрғындардың табыс деңгейі, нарықтағы жағдай, агенттік беделі мен риелтор тәжірибесі әсер етеді, - деп хабарлайды Dauletten.kz Kazinform сайтына сілтеме жасап.
Риелтор дегеніміз кім және оның қызметіне не жатады?
Баспана алу немесе жалға беру кезінде мәміле қауіпсіз және тиімді болуы үшін маман көмегі қажет. Риелтор – пәтерді немесе үйді сатып алу, сату немесе жалға беру кезінде клиентке кәсіби қызмет көрсететін маман. Оның жұмысына мүлікті бағалау, келіссөз жүргізу, құжаттарды рәсімдеу және мәміле жасау сияқты әрекеттер кіреді. Сонымен қатар риелтор нарықтағы баға тенденцияларын талдап, клиентке ең тиімді ұсынысты ұсынады, келісімшарттар мен заңдық талаптарды қадағалайды, мәміле барысындағы қаупі бар сәттерді алдын ала анықтайды. Осы арқылы сатып алушы немесе жалдаушы өз бюджетіне сай, заңдық тұрғыдан қауіпсіз және ыңғайлы баспана таңдай алады.
Жалпы, Қазақстанда риелтор қызметінің бағасы өңірге байланысты өзгеріп отырады. Мысалы, Астанада риелторлық қызмет әдетте 300–450 мың теңге немесе пәтер бағасының 1–3%-ын құрайды. Қымбат үйлерде комиссия 2–5%-ға дейін көтерілуі мүмкін. Алматы, Атырау және Петропавлда орташа баға шамамен 500 мың теңге немесе 1–5% деңгейінде. Түркістан, Шымкент, Семей, Өскемен, Қостанай, Көкшетау, Тараз және Қарағанды қалаларында қызмет құны орта есеппен 300 мың теңге шамасында, Талдықорғанда 250 мыңнан, Павлодарда 350 мыңнан басталады.
Ақтөбе мен Шымкентте қымбат үйлер үшін комиссия көбінесе 1–3% аралығында, кейде сатып алушы мен сатушыдан бөлек алынады. Жалға беру нарығында риелторлар бір айлық төлемнің 10–100% мөлшерінде ақы алады. Ипотекалық брокерлердің қызметі әлі кең таралмаған, бағасы 50–450 мың теңге арасында.
Жалпы, риелторлық қызметтің нақты стандарты жоқ, сондықтан мәміле жасамас бұрын барлық шарттар мен төлем мөлшерін нақтылап алу маңызды. Бұл әсіресе баспана сатып алу немесе жалға алу кезінде қосымша шығыннан сақтануға көмектеседі және дұрыс шешім қабылдауға мүмкіндік береді.
