Жаңалықтар

Қазақстанда жаңа тест жүйесі әзірленіп жатыр: ҰБТ-дан айырмашылығы неде?

27.04.2026

мин

0

160

Сурет: Егемен Қазақстан

ЖОО-ға түсуге балама тест келесі жылдан енгізіледі, — деп хабарлайды Dauletten.kz.

Ғылым және жоғары білім министрі Саясат Нұрбек елімізде жоғары оқу орындарына қабылдау үшін жаңа балама тест енгізу жоспары бар екенін айтты.

Ведомство басшысының сөзінше, бұл өзгеріс биылғы мектеп түлектеріне қатысты болмайды. Жаңа емтихан жүйесі келесі жылдан бастап іске қосылады деп күтілуде.

Болашақта балама тест дәстүрлі ҰБТ-мен қатар өткізіледі. Оның ерекшелігі – нәтижелерінің шетелдік жоғары оқу орындарының филиалдарында да жарамды болуы.

Қазіргі таңда аталған жүйе халықаралық деңгейдегі компаниямен бірлесіп әзірленіп жатыр. Бұл тесттің сапасын арттырып, бағалау әдістерін жетілдіруге мүмкіндік береді.

Жаңа форматта талапкерлердің білім деңгейімен қатар, олардың логикалық ойлау қабілеті мен практикалық дағдылары да ескерілетін болады.