Жаңалықтар

Қазақстандықтар бұрынғыдай жиі несие алмайтын болды

15.04.2026

мин

1

319

Сурет: Naryk.kz

Қаржы нарығын реттеу және дамыту агенттігінің мәліметінше, елде тұтынушылық несие беру қарқыны айтарлықтай төмендеген, — деп хаьарлайды Dauletten.kz.

Агенттік төрағасы Мәдина Әбілқасымова Мәжілісте өткен брифингте қазақстандықтарға берілетін несиенің өсу қарқыны бәсеңдегенін мәлімдеді.

БАҚ өкілдері несие алушыларға қойылатын талаптардың күшеюі азаматтардың қаржыға деген жауапкершілігін арттырды ма деген сауал қойды. Агенттік басшысы бұл өзгерістердің заңнамалық түзетулермен байланысты екенін атап өтті.

- Несие беру қарқыны едәуір төмендеді. Бұрын тұтынушылық несиелер жыл сайын 30 пайыздан астам өсетін. Қазір бұл көрсеткіш 6–7 пайыз деңгейінен аспайды. 2025 жылы да осы деңгей сақталды, – деді ол.

Оның айтуынша, жыл басынан бері бұл үрдіс жалғасып келеді. Тұтынушылық несиелер санының азаюы – қарыз алушылардың сапалы әрі ойланып шешім қабылдауымен байланысты.

- Мәселен, микроқаржы ұйымдарында төлем мерзімі бір күннен асып кетсе немесе банктерде 30 күннен артық кешіктірілсе, жаңа несие берілмейді. Сонымен қатар, қарыз алушылар тәуекел деңгейіне қарай бірнеше санатқа бөлінді. Жоғары тәуекел тобына жататын азаматтарға да кредит рәсімделмейді, – деп түсіндірді Мәдина Әбілқасымова.