|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандағы халықтың микрокредиттері 1,3 трлн теңгеден асты. Соңғы тоқсанда жеке тұлғаларға берілген қарыз көлемі айтарлықтай өскен. Негізгі өсім ломбардтар арқылы берілетін микрокредиттер есебінен қалыптасты, - деп хабарлайды Dauletten.kz.
Микроқаржы ұйымдарының жалпы несие портфелі 3,1 трлн теңгеге жетті, бұл өткен тоқсанға қарағанда 1,5%-ға көп, ал 2025 жыл қорытындысында өсім 12,3%-ды құрады.
Қарыздардың басым бөлігі бизнеске берілген: жалпы портфельдің 56,6%-ы бизнеске, 43,4%-ы жеке тұлғаларға тиесілі. Ал халыққа берілген микрокредит көлемі төртінші тоқсанда 6,4%-ға өсті, негізінен ломбард қызметтері арқылы.
Қарызға жиі жүгінудің негізгі себептері:
Күнделікті тұрмыс шығындарының артуы, әсіресе азық-түлік пен коммуналдық төлемдер.
Кіші бизнеске арналған қаражатқа қол жеткізудің қиындығы, кейде жеке тұлғалар микрокредитке жүгінеді.
Ломбардтар мен микроқаржы ұйымдарының қолжетімді, тез несие беру қызметтері.
Кешіктірілген төлемдер немесе күтпеген шығындар (медициналық төлем, жөндеу, техника сатып алу)
Проблемалық қарыздардың деңгейі де бақылауда: 90 күннен асқан кешіктірілген несиелердің үлесі жалпы портфельде 3,9%, жеке тұлғалар арасында 5,0% болып отыр.
Бұл көрсеткіштер халықтың қаржылық қысымға ұшырап, қысқа мерзімді шешім ретінде микрокредитке жүгінетінін, сондай-ақ микроқаржы ұйымдарының қызмет көрсету ауқымының кеңейгенін көрсетеді.
