Жаңалықтар

Қазақстанға емделуге келетін шетелдіктер саны көбейген

09.06.2026

мин

0

122

Сурет: GOV.kz

Қазақстанның медицина қызметіне сұраныс жоғары, — деп хабарлайды Dauletten.kz. 

Қазақстан шетелдік пациенттер үшін тартымды бағыттардың біріне айналып келеді. Туризм және спорт министрлігінің мәліметінше, соңғы уақытта елімізге емделу мақсатында келген шетел азаматтарының саны 80 мыңнан асқан.

Министрлік дерегіне сәйкес, бұған отандық медицина саласындағы қызмет сапасының артуы мен емдеу құнының қолжетімді болуы әсер етіп отыр. Қазір Қазақстанда халықаралық стандарттарға сай келетін және жоғары деңгейдегі медициналық көмек көрсететін клиникалар жұмыс істейді.

Сондай-ақ еліміздегі 10 медициналық ұйым халықаралық JCI аккредитациясын алған. Бұл мәртебе медициналық мекемелердің қауіпсіздік пен қызмет көрсету сапасына қойылатын әлемдік талаптарға сәйкес екенін көрсетеді.

Мамандардың айтуынша, медициналық туризмді дамыту Қазақстанның денсаулық сақтау жүйесінің әлеуетін арттырып қана қоймай, ел экономикасына да оң әсерін тигізеді.