|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шұғыла Өмірбек 55 келі салмақта алтын медальды қанжығасына байлады, – деп хабарлайды Dauletten.kz.
Шұғыла Өмірбек Сербияның Нови-Сад қаласында өткен жастар арасындағы әлем чемпионатында 55 келі салмақ дәрежесінде топ жарып, жеңіс тұғырының ең биік сатысына көтерілді.
Финалда ол түркиялық балуан Туба Демирді 12:8 есебімен ұтып, тарихи жетістікке қол жеткізді. Бұл – Қазақстан әйелдер күресі тарихындағы жастар арасындағы әлем чемпионатындағы алғашқы алтын медаль.
Мемлекет басшысы Қасым-Жомарт Тоқаев Шұғыла Өмірбекті жеңісімен құттықтап, бұл жетістік ел спортының дамуына серпін беретінін атап өтті. Президент өз құттықтауында:
- Бұл – тарихи жеңіс. Өйткені еліміз мұндай халықаралық жарыста алғаш рет алтын медаль иеленіп отыр. Әр салада өз табандылығы мен еңбекқорлығымен табысқа жетіп жүрген жастардың өсіп келе жатқаны қуантады. Шұғыланың алдағы уақытта да биік белестерді бағындыра беруіне тілектеспін! – деді Мемлекет басшысы.
Шұғыла Өмірбектің бұл жеңісі – қазақстандық спорттың жаңа белесін айқындаған маңызды оқиға болды.
