|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қостанайлық құтқарушылар суға кеткен балықшыларды құтқарып қалды, - деп хабарлайды Dauletten.kz.
18 наурыз күні кешкі уақытта Қостанай облысында екі балықшы мұз астына түсіп кете жаздады. Оқиға Рудный қаласынан шамамен 10 шақырым жерде орналасқан Сергеев су қоймасында болған.
Алдын ала мәлімет бойынша, ер адамдар мұз үстімен жүріп бара жатқан сәтте мұз қабаты шыдамай, ойылып кеткен. Соның салдарынан олар суық суға құлап, өз беттерімен жағаға шыға алмаған.
Оқиға орнына құтқару қызметінің мамандары мен полиция қызметкерлері жедел жетті. Жүргізілген шұғыл құтқару жұмыстарының нәтижесінде екі азамат та судан аман шығарылды.
Зардап шеккендерге алғашқы медициналық көмек көрсетіліп, кейін жедел жәрдем бригадасы оларды Рудный қалалық ауруханасына жеткізді. Дәрігерлер олардың жағдайын бақылауға алды.
Мамандар көктем мезгілінде мұз үстіне шығу аса қауіпті екенін ескертеді. Ауа температурасының көтерілуі салдарынан мұз жұқарып, кез келген сәтте ойылып кетуі мүмкін.
