Үкімет

Құны $78,6 млрд болатын 215 жоба Қазақстанның жаңа инвестициялық циклін қалыптастыруда

31.08.2026

мин

0

65

Мемлекет басшысының Жолдауын іске асыру аясында Қазақстанда жаңа инвестициялық цикл қалыптасуда, - деп хабарлайды Dauletten.kz.

Қазір жалпы құны $78,6 млрд болатын 215 жоба жүзеге асырылуда. Негізгі басымдық өңдеу өнеркәсібіне, терең өңдеуге, жоғары технологиялық өндірістерге және жоғары қосылған құны бар өнімдерді локализациялауға беріліп отыр.

2025 жылы Қазақстанға тартылған тікелей шетелдік инвестициялар көлемі $20,5 млрд-қа жетіп, 14,4%-ға өсті. 2019–2025 жылдары негізгі капиталға салынған инвестициялар 1,9 есеге артып, 23,5 трлн теңгені құрады, ал өңдеу өнеркәсібіне инвестициялар 3 есеге өсіп, 3 трлн теңгеге жетті.

Сонымен қатар фармацевтика, агроөнеркәсіп, энергетика және басқа да салаларда жаңа жобалар іске қосылуда. Негізгі мақсат — инвестиция көлемін арттырумен қатар, өндірісті локализациялау, шикізатты терең өңдеу және жоғары қосылған құны бар өнім өндірісін дамыту.