Жаңалықтар

Құрылтай құрамында өзгеріс: Татьяна Савельева депутаттық қызметін тоқтатты

07.10.2026

мин

0

201

Татьяна Савельева жаңа шақырылымдағы Құрылтай депутаты қызметін мерзімінен бұрын тоқтатты, - деп хабарлайды Dauletten.kz.

Савельева 2026 жылғы 27 тамызда өткен сайлауда «Әділет» партиясының тізімі арқылы депутат атанып, Қаржы және бюджет комитетінің құрамына кірген еді. Алайда бір ай бұрын ғана сайланған депутат бүгін Құрылтайдан кетті.

Оның парламенттегі тәжірибесі бұған дейін де бар. Савельева Amanat партиясынан Мәжіліс депутаты болып, 2024 жылдан бастап Қаржы және бюджет комитетіне жетекшілік етті.

Мемлекеттік қаржы саласы — оның кәсіби жолындағы негізгі бағыттардың бірі. Ол мемлекеттік қызметте 1999 жылдан бері еңбек етіп келеді. Ал 2016-2023 жылдары Қазақстанның қаржы вице-министрі қызметін атқарды.