Жаңалықтар

Құжат әуресі азаяды: комадағы азаматтарға көмек рәсімі жеңіл әрі жылдам болады

04.05.2026

мин

0

261

Сурет: Ғаламтордан

Министрлік комадағы науқастарға қатысты рәсімдерді оңтайландырмақ, — деп хабарлайды Dauletten.kz. 

Қазақстанның Еңбек және халықты әлеуметтік қорғау саласына жауапты ведомствосы қиын жағдайға түскен азаматтарға қолдау көрсету тетіктерін жаңартуды қолға алды. Осы бағытта медициналық-әлеуметтік сараптама өткізу және мемлекеттік жәрдемақыларды тағайындау тәртібіне түзетулер енгізу ұсынылып отыр.

Жаңа бастамалардың бірі – комада жатқан азаматтарға қатысты құжат рәсімдеу процесін оңайлату. Бұған дейін мұндай жағдайларда қажетті құжаттарды жинау мен рәсімдеу туыстар үшін күрделі әрі ұзақ процесс болатын.

Ұсынылған өзгерістерге сәйкес, енді медициналық-әлеуметтік сараптамаға өтініш беруді науқастың жақындары немесе заңды жұбайы жүзеге асыра алады. Бұл шешім азаматтың жағдайын жедел бағалап, мүгедектік мәртебесін уақытылы белгілеуге мүмкіндік береді.

Сонымен қатар жәрдемақыларды тағайындау да жеделдетіледі. Жаңа тәртіп әлеуметтік төлемдерді алу процесін барынша ашық әрі түсінікті етіп, көмекке мұқтаж жандарға қолжетімділікті арттыруды көздейді.

Құжат жобасы қазір қоғамдық талқылауға ұсынылған. Ол «Ашық НҚА» порталында жарияланып, азаматтардың пікірлері ескерілмек.