|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылғы қыркүйек айында Байқоңыр ғарыш айлағына арналған турлардың көп бөлігін Ресейдің VIP-санатындағы туристері сатып алған, - деп хабарлайды Dauletten.kz.
"Роскосмос" туристік компаниялармен бірлесіп Байқоңырға арнайы бағдарлама әзірлеген. Тур пакеті Мәскеуден чартерлік рейспен ұшуды, ғарыш айлағы аумағында орналасуды, музей кешені мен тарихи нысандарға экскурсияларды, сондай-ақ "Энергия-Буран" кешені мен басқару орталығына баруды қамтиды. Сапардың басты сәті – зымыранның ұшу сәтін шамамен 2 шақырым қашықтықтағы арнайы жабдықталған бақылау нүктесінен тамашалау мүмкіндігі.
Туроператор өкілдерінің айтуынша, бұл тур классикалық жағажай демалысы немесе экскурсиялық бағыттармен бәсекелеспейді.
- Байқоңыр – бұл ерекше туристік өнім. Мұнда бес жұлдызды қонақүй немесе люкс сервис жоқ. Бірақ туристер адамзат тарихындағы ұлы жетістіктің куәсі бола алады. Бұл – нағыз эмоциялар сыйлайтын бағыт, – дейді "Роскосмос" серіктесі болып табылатын туроператордың жетекшісі Евгения Конколь.
Бір адамға арналған тур бағасы – 450 мың рубль (22 шілдедегі бағам бойынша 3 миллион теңгеден сәл асады).
Ұйымдастырушылардың мәліметінше, тур бағдарламасы ұзақ жаяу жүру мен көлікпен қозғалу сәттерін қамтитындықтан, қауіпсіздік пен жайлылық мақсатында 14 жасқа дейінгі балаларға турға қатысуға рұқсат берілмейді.
