|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде 1 сәуірден бастап коммуналдық төлемдер өседі деген ақпарат қоғамда қызу талқылануда. Бұл мәселеге Энергетика вице-министрі ресми түсініктеме берді, - деп хабарлайды Dauletten.kz.
Қазақстан Республикасының Энергетика вице-министрі Сұңғат Есімханов жылу мен жарық тарифтерінің ықтимал өзгерісіне қатысты пікір білдірді. Оның айтуынша, қазіргі уақытта тарифтерді көтеру жөнінде нақты шешім қабылданбаған.
- Қалай және қаншалықты өзгеретіні туралы нақты шешім жоқ. Біз бұл мәселені Ұлттық экономика министрлігі әріптестерімен бірге қарастырып жатырмыз, – деді ол Сенат кулуарында.
Сондай-ақ вице-министр коммуналдық қызмет тарифтерін бекіту құзыреті Табиғи монополияларды реттеу комитетіне тиесілі екенін атап өтті. Сондықтан түпкілікті шешім осы органның қарауында.
Оның сөзінше, ықтимал өзгерістер инфляциялық дәліз шеңберінде болуы мүмкін. Ал нақты тетіктер қоғамдық талқылаудан кейін жарияланады.
Генерация тарифіне қатысты да пікір білдірген ведомство өкілі қазіргі уақытта оны көтеру жоспарланбағанын жеткізді. Алайда шығындардың құрамдас бөліктері артқан жағдайда бұл мәселе қайта қаралуы ықтимал.
Айта кетейік, бұған дейін Астана және Алматы тұрғындары жылу ақысының өскеніне қатысты шағым айтқан болатын.
