|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Солтүстік Қазақстан облысының әкімі Ғауез Нұрмұхамбетов Петропавл қаласының жанындағы Заречный ауылын қайықпен аралады, - деп хабарлайды Dauletten.kz. Аталған ауыл биыл да су тасқынына ұшырады.
Бұл туралы облыс басшысы өз әлеуметтік желідегі парақшасында мәлімдеді.
- Есіл өзенінің жайылмасында орналасқан, жыл сайын су тасқыны болатын Заречный кентіне қайықпен бардым. Қазіргі уақытта жағдай бақылауда, су тұрғын үйлерге енген жоқ, — деп жазды әкім.
Оқиға орнында қалалық әкімдік қызметкерлері, құтқарушылар мен полиция жұмыс істеуде. Тәулік бойы кезекшілік ұйымдастырылған, қорғаныс бөгеттері бекітілген. Барлығы 200 адам жұмылдырылған.
- Тұрғындардың қауіпсіздігін қамтамасыз ету және көмек көрсету үшін барлық қажетті шаралар қолға алынды. Қызметкерлердің еңбегі үшін алғысымды білдіремін, — деді Ғауез Нұрмұхамбетов.
Сондай-ақ өңір әкімі ауыл тұрғындарымен кездескенін айтты.
- Мәселенің жүйелі екенін ескере отырып, Заречный тұрғындарын қауіпсіз аумаққа көшіру туралы шешім қабылданды. Қазіргі таңда екі көпқабатты үйдің құрылысы басталды. Бұл тұрғын үйлерге Заречный ауылынан көшірілетін отбасылар орналастырылады. Құрылыс белгіленген мерзімге сай жүріп жатыр, жыл соңына дейін тұрғындар жаңа жайлы баспаналарға қоныстанады, — деп түйіндеді ол.
