|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда студенттік жатақханалар қорын ұлғайту және жаңа нысандардың құрылысын арнайы жобалық кеңсе арқылы үйлестіру жұмыстары жалғасуда. Бұл туралы қалалық жастар саясаты басқармасының өкілдері айтты6 - деп хабарлайды Dauletten.kz.
Басқарма мәліметінше, мегаполисте 221 мыңнан астам жоғары оқу орнының студенті білім алуда, олардың 145,4 мыңы – өзге өңірлерден келген жастар. Қазіргі уақытта қалада 46,2 мың орынға арналған 136 жатақхана жұмыс істейді. Дегенмен шамамен 11,6 мың орын тапшылығы сақталып отыр.
Жаңа жатақханалар құрылысын үйлестіру мақсатында Алматы әкімдігі Қазақстан Республикасы Ғылым және жоғары білім министрлігімен бірлесіп, ел бойынша бірыңғай жобалық кеңсе құрды. 2023–2024 жылдары жобалық кеңсе аясында Алматыда 8 273 орынға арналған 30 нысан қолданысқа енгізілді. Атап айтқанда, 2023 жылы 3 969 орындық 14 жатақхана ашылса, 2024 жылы 4 304 орынға арналған тағы 16 нысан іске қосылды. 2025 жылы қалада 4 500 орындық 13 жаңа жатақхана пайдалануға берілді.
