|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
«Агрөнеркәсіп кешенін субсидиялаудың бірыңғай мемлекеттік ақпараттық жүйесі» фермерлерге субсидияға өтінім ресімдеу үшін балама ретінде әзірленді. Өтінімді бірыңғай gosagro.kz веб-порталында беруге болады. Жүйе толығымен автоматтандырылған және ақысыз қызмет көрсетеді, деп хабарлайды Dauletten.kz АШМ баспасөз қызметіне сілтеме жасап.
2022 жылдың 31 желтоқсанында бұрынғы Qoldau.kz порталынан инвестициялық субсидиялау бойынша толық тарихи деректер алынды.
Қазіргі уақытта ақпараттық базаны жаңа жүйеге енгізу жұмысы жүріп жатыр.
СБМАЖ арқасында фермерлерге субсидиялар алудың орындылығын растау үшін қосымша анықтамаларды ұсыну қажеттілігінен арылады, өйткені талап етілетін ақпарат басқа мемлекеттік ақпараттық жүйелермен, соның ішінде жер учаскелері, ауыл шаруашылығы жануарлары, техника және арнайы көлік жөніндегі деректермен, кооператив мүшелері туралы мәліметтермен, сондай-ақ «алқаптар картасымен» біріктірілген.
Инвестициялық субсидиялар бөлігінде құрылыста мемлекеттік сараптама жүргізу туралы деректерді алу үшін «E-ЖСҚ» ақпараттық жүйесімен интеграциялау жұмыстары басталды.
Субсидиялаудың бірыңғай ақпараттық жүйесі бюджеттің болуына қарамастан өтінімге реттік нөмір бере отырып, «күту парағы» қағидаты бойынша жұмыс істейді.
Бюджет «күту парағында» өтінімдердің кезектілігі бойынша ғана бөлінетін болады, оған фермердің тарапынан қосымша іс-әрекеттер қажет емес.
Бұл тәсіл қаражатты бөлудің ашықтығын қамтамасыз етеді және субсидияларды төлеу кезінде адами факторды болдырмайды.
«Күту парағына» келіп түскен өтінім мақұлданған болып есептеледі және тек тиісті қаржыландыруды күтеді.
Қазіргі уақытта субсидиялау жөніндегі қызметтерді өтінім берілген сәттен бастап, субсидия төленгенге дейінгі аралықта техникалық пысықтау аяқталды.
Қолданыстағы субсидиялау қағидасына сәйкес, фермерлерден өтінім қабылдауды бастау мерзімі белгіленген.
Негізгі өтінімдерді қабылдау 2023 жылдың 1 ақпанында басталады.
Тағы көру
